ریاست کرناٹک میں لاک ڈاؤن کے سبب یومیہ مزدوری کرنے والے افراد کو کافی مشکلات کا سامنا کرنا پڑ رہا ہے۔
ان مزدوروں کے لیے کئی سماجی و فلاحی تنظیمیں مسلسل اپنی خدمات انجام دے رہی ہیں۔
ان حالات کے پیش نظر اب سیاسی رہنماؤں کی جانب سے بھی ان مستحقین میں اناج تقسیم کیا جا رہا ہے۔
جنتادل سیکولر پارٹی کے ریاستی سیکریٹری ہنمے گوڈا کی جانب سے وارڈ نمبر 17 کہ غریب اور یومیہ مزدوری کر کے اپنا پیٹ پالنے والے افراد میں اناج تقسیم کیا گیا۔
تقسیم کی جانی والی اشیاء میں چاول تیل دال وغیرہ پر مشتمل ایک پیکٹ انہیں دیا گیا۔
اس موقع پر سیکریٹری ہنمے گوڈا نے کہا کہ مستحق خاندانوں میں اناج پہنچانا وقت کی اہم ضرورت ہے۔
اس موقع پر چنپا گوڈا موسمبی نائب صدر جنتادل سیکولر پارٹی یادگیر، وشوناتھ یادگیر سٹی صدر جنتادل سکولر پارٹی کے علاوہ دیگر سیاسی رہنما موجود تھے۔
