اس سلسلے میں ای ٹی وی بھارت نے شہر کی قدیم 'مسجد منہاج 'کا جائزہ لیا۔ مسجد میں کم تعداد میں لوگ موجود تھے امام و مؤذن اور مسجد کے عملے کے سوا وہاں کوئی دوسرے مصلیان موجود نہیں تھے جنہوں نے فرض نماز ادا کی۔
اس موقع پر مسجد کے متولی نے بتایا کہ' ہم غمزدہ ہیں کہ لوگوں کو مسجد سے دور رہنے کے لئے کہنا پڑ رہا ہے لیکن یہ وقت کی اہم ضرورت ہے'۔
ای ٹی وی بھارت سے 'مسجد منہاج' کے امام و خطیب نے بتایا کہ وہ مسجد میں نماز کی ادائیگی کے سلسلے میں امارت شریعہ کی جانب سے جاری کئے گئے احکامات کے عین مطابق عمل پیرا ہیں تاکہ اس وباء سے جلد سے جلد چھٹکارا پاسکیں۔
مزید پرھیں:تاریخ میں پہلی بار مساجد میں نماز ادا نہ کرنے کی اپیل
اس موقع پرجمعیت علمائے کرناٹک کے نائب صدر مولانا شمیم سالک نے بتایا کہ کورونا وائرس کی وجہ سے ہم مساجد میں نماز کی ادائیگی کے متعلق حکومت کے احکامات کو کلی طور پر عمل کر رہے ہیں تاکہ اس وبا کو ختم کر سکیں۔
