ماب لنچنگ پر موہن بھاگوت کا بیان گمراہ کن: ویلفیئر پارٹی

آر ایس ایس کے صدر موہن بھاگوت نے اپنے ایک بیان میں ماب لنچنگ کے متعلق کہا کہ 'اگر کوئی ہندو یہ کہتا ہے کہ یہاں کوئی مسلمان نہیں رہنا چاہیے تو وہ شخص ہندو نہیں ہے۔'

بنگلور: آر ایس ایس کے سربراہ موہن بھاگوت کے اس بیان پر تبصرہ کرتے ہوئے ویلفیئر پارٹی آف انڈیا کے قومی صدر ڈاکٹر ایس کیو آر الیاس نے کہا کہ 'موہن بھاگوت کا یہ بیان گمراہ کن ہے جو کہ آر ایس ایس کی منافقت کو دکھاتا ہے۔'

یاد رہے کہ سنہ 2014 سے ماب لنچنگ ایک عام جرم ہوگیا ہے۔ کئی سماج دشمن عناصر مل کر کسی شخص کو پیٹ پیٹ کر موت کے گھاٹ اتار دیتے ہیں اور ایسے ملزمین بآسانی چھوٹ بھی جاتے ہیں۔

رواں برس بھی ماب لنچنگ کے کئی دردناک واقعات منظر عام پر آئے ہیں۔ جس میں تین افراد کی موت ہوئی ہے۔