ریاست کرناٹک گلبرگہ شہر میں مجلس شعور ادب گلبرگہ کے زیر اہتمام خواجہ بندہ نواز ایوان اردو ہال میں محفل افسانچہ منعقد کیا گیا۔ جس شہر کے معروف افسانچہ نگاروں نے اپنے اپنے فن کا مظاہرہ کیا۔
اس موقع پر سراج وجہی صدر مجلس شعور ادب Majlis-e-Shaur-e-Adab کے صدر نے کہا گلبرگہ میں افسانہ نگاروں نے اپنے فن میں بڑی شہرت حاصل کی ہے۔ اسی کے ساتھ یہاں پر اردو ادب میں افسانچہ نگاروں نے بھی اپنا نام کمایا ہے۔
آج کے دور میں افسانچہ نگاری عوام میں کافی مقبول ہوتی جارہی ہے۔ جو مختصر وقت میں لکھی جاتی ہے۔ اس لئے ابھر تے ہوئے نوجوان اردو شعراء ادیبوں کو ایک اچھا پلاٹ فراہم کر نے کے مقصد سے اس طرح کا کامیاب محفل افسانچہ منعقد کیا گیا ہے۔
جس میں شہر کے کئی معروف افسانچہ نگاروں نے اپنے اپنے فن کا مظاہرہ کیا ہے۔ اسی طرح محفل شعور ادب گلبرگہ کے زہر اہتمام اردو ادب کی ترقی اور فروغ کے لیے دیگر تقریبات کا اہتمام کر نے کی کوشش کی جائے گی۔
اس موقع پر شہر کے کئی نوجوان، بزرگ شعراء اور سماجی ملی مذہبی تنظیموں کے ذمہ داران نے شرکت کی۔
