ریاست کرناٹک کے دارالحکومت بنگلورو میں عالمی وبا کورونا وائرس سے بچاؤ کے لیے جو لاک ڈاؤن کا نفاذ کیا گیا تھا کئی مہینوں قبل ہٹادیا گیا تھا لیکن شہر بنگلور کے جے سی روڈ سے متصل ایک ایسی سڑک ہے جہاں ابھی بھی لاک ڈاؤن جاری ہے جس سے مقامی دکاندار پریشان ہیں۔
یاد رہے کہ جے سی روڈ بنگلور کا واحد اور بڑا آٹوموبائل مارکیٹ ہے جہاں پر کار سے لے کر بڑی موٹرز کے لوازمات دستیاب ہوتے ہیں اور اسی سے جڑی خدمات بھی۔
مذکورہ سڑک جسے لاک ڈاؤن کے ساتھ ہی ابھی تک بند رکھا گیا ہے، اس سڑک کے آس پاس کے دکانداروں کا کہنا ہے کہ کارپوریشن کا اس سڑک کو بند رکھنا قابل مذمت ہے۔
دکاندار کہتے ہیں کہ کارپوریشن کی عمارت سے دو سڑکیں منسلک ہیں لیکن کارپوریشن نے صرف ایک سڑک کو بند کیا ہے جبکہ عمارت سے جڑی سڑک رئیسی اور ایک فٹ پاتھ بھی ہے جنہیں بند نہیں کیا گیا ہے۔
اس ضمن میں ای ٹی وی بھارت سے بات کرتے ہوئے بنگلور کارپوریشن کے اہلکار نے بتایا کہ مذکورہ سڑک جس کو بند کیا گیا ہے، اس پر کارپوریشن کی ایک قدیم عمارت واقع ہے جس کو خالی کردیا گیا ہے جس کو چند مہینوں میں منہدم کیا جانا ہے۔
لہٰذا یہ قدیم عمارت جو کبھی بھی گرسکتی ہے اور کسی کو جانی نقصان نہ ہو تاہم عمارت میں موجود دکانداروں کو نوٹس بھی جاری کیا گیا ہے کہ وہ بھی انہیں خالی کردیں۔
سڑک کے بند ہونے سے دکاندار پریشان ہیں، ان کا مطالبہ ہے کہ کارپوریشن اس بندی کو ہٹائے تاکہ اس سے ان کے کاروبار بری طرح سے متاثر ہورہے ہیں۔
