کرناٹک کے ضلع یادگیر میں کورونا متاثرین کی تعداد میں ایک طرف جہاں ہر روز اضافہ ہو رہا ہے۔ دوسری جانب آج مسرت کی بات یہ رہی کہ 149 کورونا مریض صحتیاب ہوکر ڈسچارج ہوئے ہیں۔
ریاست کرناٹک کے محکمہ صحت اور خاندانی بہبود کے مطابق یادگیر میں کورونا کے 64 کورونا کے نئے کیسز سامنے آئے ہیں۔
ضلع میں آئے 64 نئے کورونا مریضوں کو ملا کر یادگیر ضلع میں کورونا وائرس سے متاثر ہونے والے لوگوں کی تعداد 3601 ہوگئی ہے۔
اسی طرح ضلع میں اب تک جملہ 2480 کورونا متاثرین صحتیاب ہو کر ڈسچارج ہوئے ہیں۔
ضلع یادگیر کے کووڈ سرکاری ہسپتال میں اب بھی 1101 کورونا مریض زیر علاج ہیں۔
- مزید پڑھیں: بنگلور تشدد: ایک اور شخص کی موت، اب تک چار اموات
ضلع میں ہوئی کورونا سے آج ایک اور موت کے ساتھ اب تک کورونا سے مرنے والے لوگوں کی تعداد 20 ہو گئی ہے۔
