جانیے! درگاہ گیسو دراز کی گیارہ سیڑھیوں کی فضیلت

ریاست کرناٹک کے ضلع گلبرگہ میں واقع حضرت خواجہ بندہ نواز گیسو دراز کی درگاہ پر پورے ملک سے عقیدتمند اپنی مرادیں لے کر آتے ہیں۔ یہاں پر ایک گیارہ سیڑھی ہے، جس کے بارے میں کہا جاتا ہے کہ یہ کوئی عام سیڑھی نہیں ہے۔

گلبرگہ میں واقع حضرت خواجہ بندہ نواز گیسو دراز کی درگاہ میں واقع گیارہ سیڑھی کے بارے میں درگاہ کے ایک خادم نے بتایا کہ 'ہند میں دو بڑی بزرگ شخصیات ہیں۔ ایک اجمیر میں حضرت خواجہ غریب نواز اور دوسرے گلبرگہ میں حضرت خواجہ بندہ نواز گیسو دراز ہیں۔ ان دونوں بزرگوں کی درگاہ پر ہر مذاہب کے افراد آتے ہیں۔'

انہوں نے بتایا کہ یہاں سیڑھی پر ہر ایک شاہ گدا اپنی اپنی مرادیں لے کر آتا ہے اور اس سیڑھی پر بیٹھتا ہے۔ ساتھ ہی بیرون ممالک سے بھی افراد خواجہ گیسو دراز کی درگاہ پر آتے ہیں۔

انہوں نے بتایا کہ یہاں پر اتحاد کی بھی بہترین مثال دیکھی جا سکتی ہے، بلا مذہب و تفریق ہر طبقے کے افراد یہاں اپنی مرادوں کی تکمیل کے لیے آتے ہیں۔

غورطلب ہے کہ حضرت خواجہ بندہ نواز گیسودراز خواجہ غریب نواز کے راست خلفا میں سے ایک ہیں۔ جن کا عرس 17 ذیقعدہ کو ہر برس بڑی دھوم دھام سے منایا جاتا ہے۔