وقف مشاورتی کمیٹی یادگیر کے چیئرمین غلام جیلانی افغان نے ای ٹی وی بھارت سے بات کرتے ہوئے بتایا کہ 8 جون سے تمام مساجد کو کھولنے کے احکامات کے بعد ریاستی وقف بورڈ کرناٹک نے بھی احتیاطی ہدایات جاری کی ہیں، جس کو ہم نے ضلع کے تمام مساجد کے صدر اور ذمہ داران کو روانہ کی ہیں۔
انہوں نے کہا کہ ضلع یادگیر کے تمام مساجد کے ذمہ داران سے اپیل کرتا ہوں کہ کرناٹک وقف بورڈ اور ریاستی حکومت کے کورونا وائرس سے بچنے کے لئے جو احتیاطی اقدامات کرنے کی اپیل کی گئی ہے اس پر سختی کے ساتھ عمل کریں۔
انہوں نے مصلیان سے بھی اپیل کی کہ 60 سال سے زائد عمر کے بزرگ حضرات مسجدوں میں نہ آئیں اور دس سال سے کم عمر کے چھوٹے بچے مسجدوں کو نہ آئیں، وہ اپنے اپنے گھروں میں ہی نماز ادا کریں۔
جو احباب مسجد میں نماز کے لئے آ رہے ہیں وہ تمام ضرورتوں سے فارغ ہو کر اور گھر میں ہی وضو بنا کر مسجد میں صرف نماز کی نیت سے آئیں۔
انہوں نے ضلع کے تمام مسلمانوں سے اپیل کی کے ریاستی اور وقف بورڈ کی جانب سے جاری کردہ ہدایات پر عمل کریں اور حکومت کا تعاون کریں۔
