اپنے ’دفاع‘ میں ایک شخص نے تیندوے کو مار ڈالا

ریاست کرناٹک کے ضلع حسان میں منگل کو ایک شخص نے اپنے دفاع میں ایک چیتے کو مار ڈالا۔

راجاگوپال نامی ایک شخص اپنی دختر اور زوجہ کے ہمراہ ٹو ویلر پر سوار تھے کہ اچانک تیندوے نے ان پر حملہ کر دیا۔

حملے کے سبب بائیک پر سوار تینوں افراد گر گئے اور مقامی باشندوں کے مطابق تیندے نے راجاگوپال اور انکے اہل و عیال پر حملہ کر دیا۔

راجا گوپال نے اپنا اور اہل و عیال کا دفاع کرتے ہوئے تیندوے پر حملہ کیا جس دوران تیندے کی موت واقع ہو گئی۔

دفاع کے دوران راجاگوپال بھی زخمی ہو گئے۔

اس سے قبل منگل کی صبح تیندوے کے حملے میں ایک والدہ اور اسکا بچہ شدید طور پر زخمی ہو گئے تھے۔