ریاست کرناٹک کے شہر بنگلورو میں عوام نے جنتا کرفیو کی وجہ سے اپنے مذہبی مقامات سے بھی دوری اختیار کی اور اپنے مذہبی رسومات کو گھر پر ہی ادا کرنے کو بہتر سمجھا۔
وزیر اعظم کی اپیل کی وجہ سے جنتا کرفیو میں جہاں سب کچھ بند کرکے لوگ اپنے گھروں میں ہی رہنا بہتر سمجھ رہے تھے وہیں میڈیکل کی دوکانیں بند ہونے سے کچھ لوگوں کو پریشانیوں کو بھی سامنا کرنا پڑا۔
واضح رہے کہ کورونا وائرس کے بڑھتے اثرات کو روکنے کے لیے بھارت کے تقریبا 75 اضلاع کو لاک ڈاون کرنے کا فیصلہ لیا گیا ہے جس میں سے کچھ اضلاع کو 31 مارچ تک تو کچھ کو 25 مارچ تک کے لیے بند کیا جائے گا۔
بھارت میں اب تک کورونا وائرس سے متأثر افراد کی تعداد 315 سے تجاوز کر چکی ہے جبکہ سات لوگوں کی جانیں بھی جاچکی ہے۔
وہیں عالمی سطح پر اس وائرس سے اب تک 185 ممالک متأثر ہوچکے ہیں جہاں گیارہ ہزار سے زیادہ لوگوں کی وفات ہوچکی ہے اور لاکھوں لوگ اس سے متأثر ہوئے ہیں۔
