اس وبا کے پیش نظر مرکزی حکومت کے بجٹ میں سے چند ہزار کروڑ روپے ایم ایس ایم ای سیکٹر کے لئے مختص کئے گئے، لیکن ماہرین صنعت نے اسے ناکافی بتایا اور حکومت کی جانب سے دئے جارہے لونز کے متعلق بتایا کہ یہ صنعت پر مزید قرض لادنے کے مترادف ہے۔
اس تعلق سے معروف ماہر تعلیم و آئی آئی سی سی بی کے رکن ڈاکٹر رفیع اللہ بیگ نے بتایا کہ' ان حالات میں انڈیا اسلامک چیمبر آف کامرس اینڈ بیورو کی جانب سے ایک نیٹ ورکنگ ایونٹ کا انعقاد کیا جا رہا ہے جہاں ہر وبا سے متاثر کاروباریوں کو ایک دوسرے سے آئڈیاز ایکسچنج کریں اور آپس میں تعاون کریں۔
اس موقع پر ایس ایس افسر نے بتایا کہ' 9 اپریل 2021 کو منعقد کی جاری نیٹ ورکنگ میٹ میں وبا سے متاثرہ صنعت کی رہنمائی کے لئے ایک تربیتی ورکشاپ کا بھی انعقاد کیا جائیگا۔ اس موقع پر فاطمہ اجمل نے آئی آئی سی سی بی کے گزشتہ پروگرام سے ہوئے فوائد گنائے اور اس امید کا اظہار کیا کہ 9 اپریل کو بنگلورو میں منعقد ہونے والے نیٹ ورکنگ میٹنگ سے مزید صنعت کو فائدہ پہنچے گا۔
