ہرے کیرور سبزی منڈی، بنیادی سہولیات کا مطالبہ

ریاست کرناٹک کے ضلع ہرے کیرور شہر میں واقع ہفتہ وارانہ سبزی منڈی کے مقامی دکانداروں نے ٹاون پنچایت پر سبزی منڈی کو نظر انداز کرنے کا الزام عائد کیا ہے۔

ای ٹی وی بھارت کے ساتھ چیت کرتے ہوئے مقامی دکانداروں کا کہنا ہے کہ' اس ہفتہ وارانہ سبزی منڈی کی خستہ حالی کی وجہ سے انہیں مشکلات کا سامنا ہے۔ انہوں نے ٹاون پنچایت کے افسران سے ناراضگی ظاہر کی۔

شہر کی سب سے بڑی سبزی منڈی میں بنیادی سہولیات کا فقدان

مقامی دکانداروں نے بتایا کہ' مذکورہ سبزی منڈی ہرے کیرور شہر کی سبزی مارکیٹ تعلقہ کی سب سے بڑی مارکیٹ ہے، یہاں متعدد دیہاتوں سے عوام خرید و فروخت کے لیے آتے ہیں۔ لیکن بنیادی سہولت کے فقدان کی وجہ سے انہیں مشکلات کا سامنا ہے، بیٹھنے کا صحیح انتظام نہیں مزید سبزیوں کو بھی زمین پر ہی رکھ کر فروخت کیا جاتا ہے'۔

اس موقعے پر لوگوں کا کہنا تھا کہ' یہاں بھی رائتو بازار قائم کیا جائے جہاں انہیں خرید و فروخت کرنے کی صحیح انتظام ہو'۔ مقامی لوگوں کے مطابق اس مارکیٹ کے ذریعے ٹاون پنچایت کو لاکھوں روپے کی آمدنی ہوتی ہے۔ مگر ٹاون پنچایت اور رکن اسمبلی کے مارکیٹ کو پوری طرح نظر انداز کررہے ہیں۔' مزید دکانداروں کا مطالبہ ہے یہ یہاں مارکیٹ میں پکی سڑک اور کامپلکس تیار کیا جائے'۔