آج گلبرگہ کے رکن پارلیمان ڈاکٹر اومیش جادھو نے اعلی ضلع عہدیداران کا ہنگامی اجلاس طلب کرتے ہوئے گلبرگہ شہر اور ضلع میں موسلادھار اور طوفانی بارش سے نمٹنے کے لیے کیے جا رہے اقدامات کا جائزہ لیا۔
ڈاکٹر اومیش جادھو نے کمشنر سٹی کارپوریشن گلبرگہ سنیہل سدھاکر لوکھنڈے کو گلبرگہ شہر کے نشیبی علاقوں کا شخصی معائنہ کرنے اور ان علاقوں کے ساکنان کو بارش کے پانی سے محفوظ بنانے کے اقدامات کرنے کی ہدایت دی۔
ڈاکٹر اومیش جادھو نے کمشنر گلبرگہ سٹی کارپوریشن کو گلبرگہ شہر میں نالیوں اور ڈرینج کی صفائی کرنے اور بارش کے پانی کی نکاسی کے راستے بنانے کی بھی ہدایت دی۔
اجلاس میں ڈپٹی کمشنر گلبرگہ واسو ریڈی وجیا جیوتسنا نے بتایا کہ ضلع گلبرگہ میں سیلاب کی صورتحال پیدا ہونے پر اس سے نمٹنے کے لئے تمام تیاریاں کرلی گئی ہیں۔
ندی۔نالوں کے کنارے آباد دیہاتوں پر مکمل نظر رکھی جارہی ہے۔ سیلاب میں پھنسنے والے لوگوں کو محفوظ مقامات پر منتقل کرنے کے لیے گلبرگہ ضلع کے ہر تعلقہ میں فائر بریگیڈ عملہ اور خصوصی والنٹیرس کو تیار رکھا گیا ہے اور خاص طور پر سیلاب میں پھنسے لوگوں کو محفوظ باہر نکالنے کی تربیت دی گئی۔
اس سلسلہ میں بوٹس اور دیگر ضروری سامان کا بھی انتظام کر لیا گیا ہے۔
یہ بھی پڑھیں:
لاک ڈاؤن سے متاثر طلبہ کے تعلیمی لون معاف کیے جائیں: ویلفیئر پارٹی
ڈاکٹر وائی ایس روی کمار پولیس کمشنر گلبرگہ، ڈاکٹر سیمی مریم جارج ایس پی گلبرگہ، ڈاکٹر شنکر ونکھیال ایڈیشنل ڈپٹی کمشنر گلبرگہ کے علاوہ مختلف محکمہ جات کے اعلی عہدیداران نے شرکت کی۔
گلبرگہ شہر اور ضلع میں 19 جولائی تک موسلادھار بارش اور طوفانی بارش ہونے کا خطرہ لاحق ہو نے کے پیش نظر گلبرگہ ضلع انتظامیہ نے ہیلپ لائن نمبرات جاری کیے ہے۔ ان ہیلپ لائن کے نمبرات پر رابطہ کرکے کسی بھی طرح کی مدد حاصل کی جاسکتی ہے۔ یہ ہیلپ لائن نمبر یہ ہیں 7411896431,7411896432,7411896433۔
