مولانا سید مصباح الحسن ہاشمی، امام مسجد سکندریہ و جنرل سیکریٹری جمعیت علما ہند ضلع گلبرگہ کا جیمس اسپتال میں انتقال ہوگیا۔ اس موقع پر سینئر صحافی عزیر اللہ سرمست نے گہرے دکھ کا اظہار کیا۔
انہوں نے کہا کہ مولانا سید مصباح الحسن ہاشمی نے گلبرگہ میں مثالی دینی و اصلاحی خدمات انجام دیں۔ وہ دارالعلوم سکندریہ کے مہتمم تھے اور اس مدرسہ کے استحکام کے لیے انہوں نے انتھک مساعی کی اور مسلسل 20 سال تک مدرسہ کی ترقی کے لیے مصروف رہے۔
مولانا سید مصباح الحسن ہاشمی کی نماز جنازہ مسجد قلندر خان میں ادا کی گئی اور تدفین تلنگانہ کے بھونگیر میں عمل میں آئی۔
