امارت شرعیہ کرناٹک کے امیر مولانا صغیر احمد رشادی کی جانب سے کورورنا وائرس کی دوسری لہر کی وجہ سے رمضان المبارک کے آخری عشرہ میں اعتکاف اور لیلۃ القدر سے متعلق اہم ہدایات جاری کیے ہیں۔
اس ضمن میں امارت شرعیہ کے رکن مولانا شبیر ندوی نے ان ہدایات کی تفصیلات بیان کرتے ہوئے کہا کہ ماہ صیام کا آخری عشرہ کافی اہم ہے، لیکن کووڈ کے پیش نظر مسلمان اپنے گھروں پر ہی عبادات کا اہتمام کریں۔
مولانا شبیر ندوی نے بتایا کہ اعتکاف مسنون ہے اور مرد کے لیے گھروں پر اعتکاف کرنے کی اجازت نہیں ہے ہاں اللہ تعالیٰ نیت پر ضرور اجر عطاء کرے گا اور خواتین اپنے گھروں میں ہی اعتکاف کا اہتمام کریں۔
اس موقع پر مولانا شبیر ندوی نے مسلمانوں سے اپیل کی ہے کہ وہ رمضان کریم کی متبرک ساعتوں میں دعاؤں کا کثرت سے اہتمام کریں کہ رب تعالیٰ کورونا کی مہلک وبا سے انسانیت کو جلد راحت عطاء فرمائے۔
