امارت شریعہ کرناٹک کے علماء کرام و دانشوران نے ایک ہنگامی اجلاس منعقد کر اس آرڈر پر بحث و مباحثہ کیا اور طویل مشورے کے بعد اس معاملے پر اہم فیصلے لئے گئے۔
امیر شریعت مولانا صغیر احمد رشادی کی قیادت میں منعد ہوئے اس اجلاس میں یہ طے پایا کہ مساجد میں نہایت ہی کم آواز میں اسپیکر پر اذان دی جائے اور بعد اذان یہ اعلان کیا جائے کہ لوگ اپنے گھروں ہی میں نماز ادا کریں مسجدوں میں نہ آئیں۔
اس تعلق سے دوسرا اہم فیصلہ یہ رہا کہ مسجدوں میں اذان کے بعد صرف امام و مؤذن اور مسجد کا عملے ہی مسجد میں فرض نماز ادا کریں۔
مزید پڑھیں:مسجد الاقصیٰ عارضی طور پر بند
اس معاملے میں مولانا صغیر احمد رشادی نے احادیث کا حوالہ دیتے ہوئے بتایا کہ یہ فیصلے شرعاً درست ہے امارت شریعہ کے ارکان نے بتایا کہ کورونا وائرس وباء سے بچنے و اس کے پھیلاؤ کو روکنے کے سلسلے میں وہ حکومت کا تعاون کریں گے۔
