ریاست کرناٹک کے ضلع گلبرگہ شریف میں واقع حضرت خواجہ بندہ نواز گیسو دراز کی درگاہ کا عرس شریف ہر برس بڑے پیمانے پر منایا جاتا رہا ہے۔
ہر برس یہاں عرس کے موقع پر ملک بھر سے ہزاروں کی تعداد بندہ نواز کے چاہنے والے شرکت کو آتے تھے۔ زائرین کی آمد کے سبب یہاں کہ ہر چھوٹے بڑے دکانداروں کا کاروبار بڑے پیمانے پر چلتا تھا، لیکن رواں برس کورونا وائرس کے سبب عرس شریف سادگی سے منائی گئی۔
کورونا وائرس کی وجہ سے رواں برس یہاں زائرین کا مجمع دیکھنے کو نہیں ملا، یہاں پھول، مٹھائیاں چوڑیاں و دیگر دکانیں پوری طرح سے خالی نظر آئیں۔
ہر برس عرس کے دوران یہاں رات و دن ہزاروں کی تعداد میں زائرین رہتے تھے، جس کی وجہ سے درگاہ علاقے کی چھوٹی بڑی سبھی دکانیں خوب چلا کرتی تھیں، لیکن اس سال عرس شریف کے موقع پر کاروبار نہیں ہوا۔
مزید پڑھیں:
خواجہ بندہ نوازؒ عرس شریف کا آغاز
یہاں کے دکانداروں نے کہاکہ' حضرت خواجہ بندہ نواز گیسو دراز کے عرس شریف پر یہاں عوام کا ہجوم دیکھنے کو ملتا تھا، لیکن ایسا پہلی بار ہوا جب درگاہ میں عوام کا ہجوم دیکھنے کو نہیں ملا۔
