مکتب ’فلاح الدارین‘ کے طالبات میں اسناد تقسیم

اسناد، سرٹیفیکیٹس حاصل کر رہے یہ وہ طالبات ہیں ہیں جو انگریزی اسکولوں میں اپنی تعلیم حاصل کررہی ہیں لیکن انہوں نے ’فلاح الدارین‘ مکتب میں اردو زبان، دعائیں و بنیادی دینیات کے کورس کو مکمل کیا ہے۔

شہر بنگلور کے ایچ بی آر لے آؤٹ کے قریب موجود سلم علاقہ کے علاوہ اطراف کے علاقوں میں بسنے والے ایک سو سے زائد طالبات کو فلاح دارین مکتب کی جانب سے دینی تعلیم سے آراستہ کیا جارہا ہے۔

اس موقع پر منعقدہ ایک پروگرام میں شہر کی اہم شخصیات جن میں ایم ایل سی نصیر احمد اور ڈاکٹر نازنین بیگم نے شرکت کی۔ انہوں نے مکتب کی خدمات کو سراہا اور کافی حوصلہ افزائی کی۔

ادارے کے ذمہ دار ذوالفقار علی بھٹو نے بتایا کہ مکتب کا کوئی سفیر نہیں ہے اور نہ ہی یہاں چندہ جمع کیا جاتا ہے۔ ادارے کے ارکان کی جانب سے ہی تمام اخراجات برداشت کئے جاتے ہیں اور تمام خدمات انجام دیئے جاتے ہیں۔