بنگلور: بے قصور افراد کو رہا کرنے کا مطالبہ

شہر کے ڈی جے ہلی علاقے میں گزشتہ ہفتے پیش آئے تشدد کے واقعات کے بعد پولیس کی کارروائی میں کئی افراد کو حراست میں لیا گیا ہے جبکہ متعدد شکایات ایسی بھی آرہی ہے کہ ان میں بڑی تعداد بےقصوروں کی ہے۔

اس سلسلے میں شہر کی معروف سماجی تنظیم اکھیل کرناٹک محمیدیہرہ کنڑا ویدیکے کے عہدیداروں نے ریاست کے وزیر داخلہ سے ملاقات کر بتایا کیا کہ دیر رات تک پولیس کا گھروں میں گھس کر نوجوانوں کو گرفتار کرنے سے علاقے میں خوف کا ماحول ہے۔

اس موقع پر تنظیم کے صدر سمیع اللہ خان نے وزیر داخلہ سے پر زور مطالبہ کیا کہ تشدد میں ملوث خاطیوں پر ضرور کارروائی کریں لیکن اس درمیان معصوم و بے قصور افراد کو گرفتار نہ کیا جائے اور ایسے گرفتار شدہ بے قصوروں کو فوری طور پر رہا کیا جائے۔