کرناٹک کے ضلع یادگیر میں سوشل ڈیموکریٹک پارٹی آف انڈیا نے حکومت سے مطالبہ کیا ہے کہ سرکاری اسکولوں میں ماہانہ اعزازیہ پر کام کرنے والے باورچی اور معاونین کو گزشتہ پانچ ماہ سے ان کا اعزازیہ نہیں دیا گیا ہے، لہٰذا حکومت فوری طور پر ان کا بقایا ادا کرے۔
پارٹی نے اس سلسلے میں ضلع یادگیر کے ڈپٹی کمشنر کو ایک یادداشت بھی سونپا ہے۔
اس موقع پر سوشل ڈیموکریٹک پارٹی آف انڈیا کے ضلع صدر سید اسحاق خالد نے کہا کہ ریاست کرناٹک میں 54 ہزار اسکولوں میں ایک لاکھ سے زائد باورچی اور معاونین کام کرتے ہیں، جنہیں گزشتہ پانچ ماہ سے اعزازیہ نہیں دیا گیا ہے۔
ان کا کہنا تھا کہ محدود ماہانہ اعزازیہ پر کام کرنے والوں کے لیے حکومت کو آگے آنا چاہیے، کورونا وائرس لاک ڈاؤن کی وجہ سے سماج کا ہر طبقہ بے حد پریشان ہے حکومت کو چاہیے کہ ایسے پریشان حال لوگوں کی مدد کرے بالخصوص سرکاری اسکولوں میں کھانا بنانے والے باورچی اور معاونین کی پانچ ماہ سے روکی اعزازیہ کو فوری طور پر جاری کرے۔
اس موقع پر مولانا مجیب قاسمی کے علاوہ سوشل ڈیموکریٹک پارٹی آف انڈیا شاخ یادگیر کے دیگر ذمہ داران موجود رہے۔
