کورونا انفیکشن کے معاملہ میں کرناٹک مہاراشٹر کے بعد دوسرے نمبر پر آگیا ہے جبکہ آندھرا پردیش تیسرے نمبر پر ہے۔ کورونا وائرس کی وجہ سے ہوئی اموات کے معاملہ میں بھی کرناٹک اب مہاراشٹر کے بعد دوسرے نمبر پر ہے جبکہ تملناڈو تیسرے نمبر پر ہے۔
سرکاری ذرائع کے مطابق ریاست میں متاثرین کی تعداد 8,84,897ہوگئی ہے۔ اس دوران 2,209مزید مریضوں کے صحت یاب ہوجانے سے اس مرض سے نجات پانے والوں کی تعداد بڑھ کر ساڑھے آٹھ لاکھ کے قریب 8,49,821ہوگئی ہے۔ اسی مدت میں 13 مزید لوگوں کی موت ہوجانے سے مرنے والوں کا اعدادو شمار 11,778ہوگیا ہے۔
نئے معاملات کے مقابلہ میں صحت یاب ہونے والوں کی تعداد میں اضافہ ہونے کی وجہ سے فعال معاملات میں مزید کمی درج کی گئی جس سے اب ریاست میں فعال معاملات 1,243مزید کم ہوکر 23,279پر پہنچ گئے۔
خیال رہے کہ کورونا وائرس انفیکشن کے فعال معاملات میں کرناٹک مغربی بنگال کے بعد پانچویں نمبر پر ہے۔
