بنگلور: مسلم انڈسٹریلسٹس اسوسیئشن کے ذمہ داران نے بتایا کہ پینیہ انڈسٹریل ایسٹیٹ میں کم و بیش 1.5 ہزار انڈسٹریز اور تقریباً 12 لاکھ مزدور ہیں اور اس پہلے مرحلے میں 6,000 مزدوروں کو ویکسین لگایا گیا ہے اور آنے والے دنوں میں مزید مزدوروں کے لئے ویکسینیشن ڈرائیو جاری رہیگا۔
مسلم انڈسٹریلسٹس اسوسیئشن کے ذمہ داران نے بتایا کہ پینیہ صنعتی علاقے میں ویکسینیشن کی مہم ہر ہفتے الگ الگ جگہوں پر منعقد کیا جارہا ہے اور یہ بھی بتایا گیا کہ حکومت سے مزید ویکسینز کی مانگ کی گئی ہے تاکہ وہ زیادہ سے زیادہ مزدوروں کو ویکسین دے سکیں۔
یاد رہے کہ کورونا کی دوسری لہر کے دوران ریاست کی صنعتوں کو بڑا خسارہ ہوا ہے، جس کے نتیجے میں کم و بیش 20 سے 25 فیصد صنعتیں بند ہوچکی ہیں اور ماہرین صنعت کا کہنا ہے کہ اگر حکومت کی جانب سے اس سلسلے میں ٹھوس اقدامات نہ لیے جاییں گے تو یہ ممکن ہے کہ قریب 40 فیصد صنعتیں بند ہو جائینگیں۔
