ایک طرف ویڈیوز میں پولیس عام شہریوں کو لاک ڈاؤن کی خلاف ورزی کے الزام میں مارتے پیٹتے نظر آرہی ہے، تو وہیں بنگلورو میں اڈوگوڈی پولیس کی مختلف تصویر نظر آرہی ہے۔
اڈوگوڈی پولیس کو شہر میں لگ بھگ 35 مہاجر مزدوروں کے اہل خانہ کی حالت زار کے بارے میں معلوم ہوا، جس کے بعد انہوں نے انھیں کھانا اور اشیائے خوردونوش جیسی لوازمات فراہم کرنے کا فیصلہ کیا۔ یہ مہاجر مزدور لکھاسندرا کی گلبرگہ کالونی میں رہائش پذیر ہیں۔
ای ٹی وی بھارت سے بات کرتے ہوئے انسپکٹر دلیپ کمار نے کہا 'ہم ان کے پاس باقاعدگی سے جاتے ہیں اور ان کی ضروریات کو پورا کرتے ہیں۔ راشن ان میں تقسیم کیا گیا ہے جس میں دیگر ضروری سامان بھی شامل ہیں'۔
انہوں نے مزید کہا کہ جب تک لاک ڈاؤن ختم نہیں ہوتا وہ ان کی خدمت جاری رکھیں گے۔
