کورونا وائرس کی وبا کے باعث تقریباً 3 مہینوں تک لاک ڈاؤن نافذ ہے جس کی وجہ سے مساجد و دینی ادارے بہت زیادہ متاثر ہوئے ہیں۔ لاک ڈاؤن کے دوران نہ نمازی مساجد آئے اور نہ ہی مدارس میں طلبہ کی تعلیم و تربیت ہوئی، جس کے نتیجے میں مساجد و مدارس میں کسی قسم کا چندہ نہیں ہوا۔
لاک ڈاؤن سے متاثر مساجد کی امداد کے لئے وقف بورڈ سے اپیل اب لاک ڈاؤن کا پانچواں مرحلہ جاری ہے اور ان لاک کی ابتدا ہوچکی ہے لیکن مساجد و مدارس میں خدمات انجام دینے والے خدام معاشی اعتبار سے بہت کمزور ہو چکے ہیں اور امداد کے منتظر ہیں۔ اس مسئلے کے حل کے تئیں ای ٹی وی بھارت سے بات کرتے ہوئے شہر کی اہم شخصیات نے کرناٹک وقف بورڈ سے اپیل کی ہے کہ وہ ان پیچیدہ حالات میں اپنے ایک قومی ادارہ ہونے کا ثبوت دیتے ہوئے ایسے مساجد و مدارس کی امداد کے سلسلے میں ایک منظم اسکیم تشکیل دے۔
