بتایا جا رہا ہے کہ بے قابو ٹرک نے پہلے تو موٹر سائکل کو کچل دیا جس کے بعد وہاں موجود پی آر وی ”پولس رسپانس وہیکل“ نے ٹراک ڈرائیور کا پیچھا کیا لیکن وہ وہاں سے فرار ہونے میں کامیاب ہو گیا اسی دوران ٹرک ابھی کچھ فاصلے پر ہی تھا کہ ایک اور ماروتی وین کو ٹکر مار دی جس میں سوار ایک ہی خاندان کے سات افراد ہلاک ہو گئے۔
بتایا جا رہا ہے کہ یہ تمام افراد ایک نوزائدہ بچّے کی پیدائش کے بعد اسے دیکھکر اسپتال سے واپس گھر لوٹ رہے تھے۔ اس حادثہ میں تقریباً پانچ لوگ زخمی بھی ہوئے ہیں۔ جنہیں ضلع اسپتال میں داخل کرایا گیا ہے۔ یہ حادثہ گزشتہ رات میں پیش آیا ہے۔
پولیس کو شبہ ہے کہ ٹرک ڈرائیور نشہ میں تھا۔ وہ حادثے کے بعد موقع سے فرار ہوگیا ہے۔ اس واقعے میں نامعلوم ڈرائیور کے خلاف تھانہ بُھتا میں مقدمہ درج کیا گیا ہے۔
اس دردناک حادثہ میں ہلاک ہونے والوں کی شناخت رحمت خاں، اُنکی بیٹی صبا اور آسما، بہن زینت، بھائی صابر کی اہلیہ شیبا اور اُنکے ڈھائی ماہ کے بیٹے حسین کے علاوہ کار ڈرائور یونُس کے طور پر ہوئی ہے۔
اس دردناک حادثہ کی اطلاع کے بعد ضلع مجسٹریٹ وریندر کمار سنگھ اور ایس ایس پی شیلیش کمار پانڈے نے جائے حادثہ کا معائنہ کیا اور زخمی افراد کو مختلف اسپتالوں میں داخل کرایا۔ جبکہ ٹرک کے نمبر کی بنیاد پر مالک اور ڈرائیور کو تلاش کیا جا رہا ہے۔
