ریاست اترپردیش کے بریلی کے گاؤں بہاری پور میں پالک کی سبزیاں کھانے سے ایک ہی خاندان کے 16 افراد بیمار ہوگئے، جس کو کھانے کے بعد قئے ہوتے ہی بے ہوش ہوگئے۔
مقامی لوگوں نے گاؤں کے ہی ایک حکیم سے دوا لی لیکن کوئی فائدہ نہ ہونے کی وجہ سے رات کے وقت ہی سکٹیا گاؤں سے ایک ڈاکٹر کو لایا گیا لیکن اس کا بھی کوئی فائدہ نہ ہوا اور اسی دوران میں تین خواتین اور دو بچے بیہوش بھی ہوگئے پھر گاؤں کے سربراہ نتھولال نے 108 نمبر کی دو ایمبولینسوں سے شیرگڑھ کمیونٹی ہیلتھ میں داخل کیا گیا۔
ڈاکٹروں کی ٹیم نے علاج تو شروع کردیا تھا لیکن تین خواتین پونم دیوی ، شاردا دیوی اور کلاوتی شام تک بے ہوش ہی رہیں۔
انچارج میڈیکل آفیسر ڈاکٹر نین سنگھ نے بتایا کہ سب کی حالت خراب تھی، ڈاکٹروں کی ٹیم نے ان سب کا بہتر علاج کیا جس کی وجہ سے 13 افراد ٹھیک ہوگئے ہیں۔ تین خواتین زیر علاج ہیں۔ شام تک یہ بھی ٹھیک ہوجائینگی اور یہ تمام لوگ فوڈ پوازننگ کے شکار تھے۔۔
