ضلع بریلی میں میونسپل کارپوریشن دفتر کے سامنے کارپوریشن کی جانب سے ’’پیڈ پارکنگ‘‘ قائم پر مقامی تاجرین نے اعتراض کرتے ہوئے اس کی شدید مخالفت کی۔
تاجرین نے احتجاجی طور دکانیں بند کرکے کارپوریشن کے خلاف نعرے بازی کی۔
ذرائع ابلاغ کے نمائندوں سے بات کرتے ہوئے تاجر انجمن کے صدر نے کہا کہ ’’ضلع بریلی کو مرکزی حکومت کے ذریعے اسمارٹ سٹی کے زمرے میں شامل کیا جا چکا ہے۔ تاہم اسمارٹ سٹی منصوبہ کے تحت یہاں ترقیاتی کام ہونے کا دعویٰ بھی کیا جا رہا ہے، لیکن اب بریلی میونسپل کارپوریشن نے اپنے دفتر کے سامنے پارکنگ قائم کرکے مسئلہ کا حل کرنے کے بجائے ایک نئی مصیبت کو دعوت دی ہے۔ ایلن کلب نامی زمین پر پاکنگ قائم ہونے کے بعد تمام تاجر اس کی مخالفت میں اتر آئے ہیں۔‘‘
بریلی میں بی ایم سی کے دفتر کے سامنے قائم شدہ ایلن کلب مارکیٹ بی ایم سی کی اپنی ملکیت ہے، تاہم اس مارکیٹ کے سامنے پارکنگ قائم کرنے سے مقامی تاجر اور تجارتی تنظیمیں اسکی مخالفت کر رہی ہیں۔
تاجرین کا کہنا ہے کہ ’’پیڈ پارکینگ بنانے کے سبب خریدار اس مارکیٹ کا رخ نہیں کر رہے، جس کے سبب تاجرین کو نقصانات سے دوچار ہونا پڑ رہا ہے۔‘‘
