ٹنگمرگ: پلر گرنے سے دو بچوں کی موت

شمالی کشمیر کے ٹنگمرگ علاقے میں ایک دلدوز حادثہ میں دو کمسن بچوں کی موت ہو گئی۔ یہ حادثہ بچوں کے اوپر سیمنٹ کا پلر گرنے سے پیش آیا۔

ٹنگمرگ کے کتپورہ گاؤں میں اس وقت افراتفری کا ماحول پیدا ہوگیا، جب گاؤں میں سیمنٹ کا پلر گرنے سے دو بچوں کی موت ہو گئی۔

گھر والوں کے مطابق دونوں بچے اپنے آنگن میں کھیل رہے تھے کہ اچانک سیمنٹ کا پلر ان کے اوپر گر گیا۔ اس کے نتیجے میں دونوں بچوں کی موقع پر ہی موت ہوگئی۔

دونوں بچوں کی شناخت عرفی جان عمر 9 سال اور صلیہ جان عمر 8 سال کے طور ہوئی ہے۔ واقعی کے بعد علاقے میں صف ماتم بچھ گئی اور دونوں بچوں کی لاش کو نزدیکی قبرستان میں سپرد خاک کیا گیا۔