شمالی کشمیر کے ضلع بارہمولہ کے سوپور قصبہ سے دس کلومیٹر کی دوری پر واقع بوٹینگو علاقے میں بنایا گیا طبی مرکز سرکار کی عدم توجہی کا شکار ہے۔
مقامی لوگوں کے مطابق آج سے دس سال قبل بوٹینگو سوپور میں ایک طبی مرکز بنانے کا کام شروع ہوا لیکن عمارت تیار ہونے کے بعد اسے ویران چھوڑ دیا گیا ہے۔
لوگوں نے سرکار اور ضلع انتظامیہ پر لاپرواہی برتنے کا الزام عائد کرتے ہوئے بتایا کہ جب ان کے گھر میں کسی کی طبیعت خراب ہوتی ہے تو کافی دشواریوں کا سامنا کرنا پڑتا ہے۔ علاج و معالجہ کے لیے ضلع ہسپتال سوپور جانا پڑتا ہے جو کئی کلیومیٹر دور ہے۔
لوگوں نے مزید کہا کہ اس وقت پوری دنیا میں کورونا وائرس کا قہر چل رہا ہے۔ اگر یہ ہسپتال شروع ہوا ہوتا تو ان کو مشکلات کا سامنا نہ کرنا پڑتا۔
ہم نے سرکار اور ضلع انتظامیہ سے متعدد بار گزارش کی کہ وہ اس طبی مرکز کو شروع کریں لیکن کسی نہ توجہ نہیں دی۔
ہم سب کی سرکار سے گزارش ہے کہ وہ اس ہسپتال کو شروع کریں جس سے آنے والے وقت میں زیادہ مشکلات سے دو چار نہ ہونا پڑے۔
