موصولہ اطلاعات کے مطابق سوپور کے کئی علاقوں میں جمعہ کے روز تمام دکانیں بند اور تجارتی سرگرمیاں معطل رہیں جبکہ سڑکوں پر ٹریفک کی نقل وحمل بھی مفلوج رہی۔
عینی شاہدین نے بتایا کہ ہلاک شدہ جنگجوؤں کی براتھ کلان اور وارپورہ میں واقع رہائش گاہوں پر تعزیتی پرسی کے لئے لوگوں کا دن بھر تانتا بندھا رہا۔
بتادیں کہ سوپور کے ڈانگر پورہ علاقے میں جمعرات کے روز ایک تصادم آرائی کے دوران لشکر طیبہ سے وابستہ تین عسکریت پسندوں کو ہلاک کیا گیا۔
ہلاک شدہ عسکریت پسندوں کی شناخت نصیر احمد میر ولد محمد یوسف میر ساکنہ براتھ کلان اور آصف احمد وار ولد غلام نبی وار ساکنہ آفتاب محلہ وار پورہ کے بطور ہوئی تھی۔
