شمالی کشمیر ضلع بارہمولہ کے وگیلا واگورہ علاقہ میں اس وقت تشویش کی لہر دوڑ گئی جب ریت نکالنے کے دوران اچانک زمین کھسک جانے کی زد میں آکر دو افراد کی موقع پر ہی موت جبکہ متعدد زخمی ہوگئے ہیں۔
بارہمولہ میں لینڈ سلائیڈنگ سے دو افراد ہلاک
اس خبر کی تصدیق پولیس نے بھی کی اور جائے مقام پر پہنچ گئی۔
بتایا جاتا ہے کہ ایک کی لاش برآمد کی گئی جبکہ دوسرے کی لاش برآمد ہونا باقی ہے،تاہم دو زخمیوں کو قریبی ہسپتال منتقل کر دیا گیا ہے جن کی حالت مستحکم بتائی جاتی ہے۔
دریں اثناء مقامی لوگ اور پولیس اسٹیشن کریری اور واگورہ چوکی کی ٹیم موقع پر پہنچ گئی ہے اور ریسکیو آپریشن شروع کر دیا ہے۔
مزید تفصیلات کا انتظار ہے۔
