گرمی سے بچنے اور خود کو اس گرمی سے راحت پہنچانے کے لئے یہ بچے اس ندی میں نہا رہے ہیں، ان میں سے کوئی چھلانگ مارتا دکھائی دے رہا تو کوئی پانی میں بیٹھ کر ٹھنڈے پانی سے لطف اندوز ہو رہا ہے۔ حالات کیسے بھی ہوں ان بچوں کو اس کی کوئی فکر نہیں اور یہ اپنی خوشی کو کے لئے کوئی نہ کوئی ذریعہ تلاش کر ہی لیتے ہیں۔
اس تعلق سے ای ٹی وی بھارت نے آج وسطی کشمیر کے ضلع بڈگام کے کاؤسہ علاقے کا دورہ کیا۔ یہاں پر ویر نامی ایک خوبصورت جگہ ہے جہاں ایک ندی بہتی ہے اور اسی ندی میں یہ بچے گرمی سے بچنے کے لیے غوطہ کھا رہے ہیں۔ یہاں صرف بچے ہی نہیں بلکہ جوان و بزرگ سب آتے ہیں، لوگوں کا کہنا ہے کہ اس اس جگہ کی جانب حکومت توجہ دے تو اس کا شمار ایک بہترین سیاحتی مقامات کے طور پر ہو سکتا ہے۔
اس بابت مقامی لوگوں کا کہنا ہے کہ ماضی میں یہاں ایک پارک تھا اور اس دوران یہاں ہزاروں لوگ سیر تفریح کے لئے آتے تھے۔ مزید ان لوگوں کا کہنا ہے کہ یہاں کافی سرکاری اراضی موجود ہے اور اگر اس کا بہترین استعمال کیا جائے تو "ویر" بھی سیاحتی نقشے پر آسکتا ہے اور اس سے لوگوں کو روزگار کے مواقع فراہم ہو سکتے ہیں۔
آپ کو بتاتا چلوں کہ یہاں سے جو ندی بہتی ہے اس کی دیکھ ریکھ کے لیے محکمہ اریگیشن کے ملازم یہاں رہتے ہیں، مقامی لوگوں کایہ بھی کہنا ہے کہ یہاں پر وہ ڈیوٹی تو کرتے ہیں لیکن ان کے یہاں رہنے اور بیٹھنے کا کوئی انتظام نہیں ہے۔
مزید پڑھیں: کشمیریوں کے ساتھ گندا کھیل کھیلا جارہا ہے: محبوبہ مفتی
اس تعلق سے محکمہ اریگیشن کے ملازمین کا کہنا ہے کہ انتظامیہ کو چاہیے کہ اس جگہ کی طرف توجہ دے اور یہاں پر پارک کے ساتھ ساتھ سڑک کی بھی سہولت فراہم کرے تاکہ یہاں سیاح اس جانب بھی رخ کریں اور اس جگہ سے لطف اندوز ہوں۔
