سوپور: مسلح تصادم میں مقامی عسکریت پسند ہلاک

ذرائع کے مطابق علاقہ میں موبائل انٹرنیٹ سروس معطل کی گئی ہے۔

شمالی کشمیر کے ضلع بارہمولہ کے سوپور قصبہ کے آرم پورہ گاؤں میں سیکورٹی فورسز اور عسکریت پسندوں کے درمیان جاری مسلح تصادم میں ایک عسکریت پسند ہلاک ہو گیا ہے۔
اطلاعات کے مطابق سیکورٹی فورسز کو علاقہ میں عسکریت پسندوں کی موجودگی کی خفیہ اطلاع ملی تھی جس کے بعد انہوں نے علاقہ کو محاصرے میں لیا۔

سیکورٹی فورسز نے گزشتہ شب سے ہی پورے علاقہ میں سرچ آپریشن شروع کر دیا تھا۔ جو آج صبح تصادم میں تبدیل ہوا۔

ذرائع کے مطابق ہلاک شدہ عسکریت پسند مقامی ہے جس کی شناخت سجاد احمد ڈار ساکنہ سعید پورہ سوپور کے طور پر کی گئی ہے۔

پولیس ذرائع کے مطابق ہلاک شدہ عسکریت پسند سنہ 2018 سے عسکری کاروائیوں میں سرگرم تھا۔ اس کے خلاف متعدد ایف ائی آر درج تھے۔

اس آپریشن میں 22 آر آر، 179 بٹالین سی آر پی ایف اور ایس او جی نے حصہ لیا تھا۔

ذرائع کے مطابق علاقہ میں موبائل انٹرنیٹ سروس معطل کی گئی ہے۔
چودہ گھنٹے تک چلنے والا یہ تصادم مقامی عسکریت پسند کے ہلاک ہونے پر اختتام ہوا۔