سوپور: انصار النساء تنظیم کی جانب سے دینی تقریب کا انعقاد

شمالی کشمیر کے ضلع بارہمولہ کے سوپور قصبہ کے شالیمار کالونی میں انصارالنساء تنظیم کی جانب سے ایک دینی تقریب کا اہتمام کیا گیا۔ اس میں سوپور اور اس کے مختلف علاقوں سے آئی خواتیں نے حصہ لیا۔

ای ٹی وی بھارت کے ساتھ بات کرتے ہوئے پروگرام کی منتظم فرمازہ اختر نے بتایا کہ رمضان المبارک کا پاک مہینہ چل رہا ہے اور آج ہم نے اس سلسلے میں قرآن شریف کے نزول کے بارے میں روشنی ڈالی۔

انہوں نے بتایا کہ پروگرام کے دوران ہم نے غریبوں، لاچاروں اور بیواؤں کو ضروری اشیاء خورد و نوش فراہم کیا تاکہ لوگ اس مقدس مہینہ میں فاقہ کشی نہ کریں۔

واضح رہے کی انصارالنساء خواتین کی ایک تنظیم ہے، جو 2014 سے غریبوں، یتیموں اور لاچاروں کے لیے کام کرتی ہے۔