شمالی کشمیر کے ضلع بارہمولہ کے تحصیل ہیڈکواٹر سوپور کے ڈاک بنگلہ میں بی ڈی سی چیئرپرسن سوپور ڈاکٹر فریدہ خان کی سربراہی میں بلاک دیوس پروگرام کا اہتمام کیا گیا۔
اس پروگرام میں تمام اعلی افسران، سرپنچ، پنچوں اور ان کے ساتھ ساتھ مقامی لوگوں نے بھی اس پروگرام میں شرکت کرکے اپنے اپنے علاقہ جات کے مسائل کو افسران کے سامنے رکھا۔
بی ڈی سی چیئرپرسن سوپور ڈاکٹر فریدہ خان نے لوگوں کو یقین دہانی کرکے اعلی افسروں کو ہدایت دیتے ہوئے کہا کہ 'جو بھی عام لوگوں کے مسئلے ومسائل ہیں ان کو ترجیحی بنیاد پر حل کیا جائے گا۔'
یہ بھی پڑھیں: بارہمولہ: منشیات اور ذہنی تناؤ کے عنوان پر سمینار منعقد
انہوں نے مزید کہا کہ 'آنے والے وقت میں اس طرح کے پروگرامز میں مزید بہتری لائی جائے گی تاکہ لوگوں کے مسئلے ومسائل وقت پر حل کیا جائے۔'
انہوں نے اعلی افسروں کو زور دیا کہ جو بھی حکومت کی جانب سے اسیکم عام لوگوں کے لیے ہے ان تک پہنچایا جائے تاکہ ہمارے نوجوان ان اسکیمز کا فائدہ حاصل کرکے اپنے روزگار آسانی سے حاصل سکیں۔
