ادھمپور کے رام نگر کے وارڈ نمبر 1 میں بھارتیہ جنتا پارٹی کی امیدار بینتی دیوی کو میونسپل کارپوریشن Municipal Corporation Ramnagar کا نیا صدر منتخب کیا گیا ہے۔ پرچہ نامزدگی داخل کرنے کی آخری تاریخ ہفتہ کو مقرر کی گئی تھی۔ جس کی بنیاد پر منگل کو بلدیہ دفتر میں ای او انیش گنڈوترا کی نگرانی میں انتخابات کرائے گئے۔
غور طلب ہے کہ کچھ دنوں قبل رام نگر کے سابق صدر پر کونسلروں نے عدم اعتماد کا اظہار کر کے انہیں عہدے سے ہٹا دیا تھا۔ جس کے بعد نئے صدر کا انتخاب کیا گیا۔ انتخابات میں 13 کونسلروں میں سے پانچ نے پینتھرس پارٹی کے رمیش کمار کے حق میں اور آٹھ نے بی جے پی کی بینتی دیوی کے حق میں ووٹ کیا جس کی بنیاد پر ریٹرننگ آفیسر نے پولنگ کے نتائج کا اعلان کیا۔ اس میں بینتی دیوی نے تین ووٹ زائد پا کر جیت درج کی۔
اس موقع پر بی جے پی کے ترجمان اور رام نگر کے سابق ایم ایل اے رنویر سنگھ پٹھانیا نے بنٹی دیوی کو مبارکباد دی۔ انہوں نے کہا کہ پارٹی کے لیے یہ بے حد خوشی کی بات ہے کہ رام نگر میونسپل کمیٹی کی صدر ایس سی برادری سے تعلق رکھنے والی ایک خاتون ہیں۔بی جے پی کارکنان نے بنٹی دیوی کے صدر بننے کی خوشی میں جشن منایا۔
