بالی وڈ میں کپور اینڈ سنس کے کارناموں کو کبھی بھلایا نھیں جا سکتا، یہ خاندان گذشتہ کئی دہائیوں سے فلمی دنیا میں اہم مقام رکھتا ہے۔
راج کپور کے مشہورزمانہ ڈائیلاگ (یاہو۔۔۔۔) آج بھی لوگوں کی زبان پر بے ساختہ چلا آتا ہے۔
مختصرا یہ کہا جا سکتا ہے کہ سشی بھی کپور خاندان کے چشم و چراغ تھے اور ان میں کپور خاندان کی اداکاری سے سارے گن موجود تھے۔
رومانوی اداکار سشی کپور پرتھوی راج کپور کے بیٹے تھے، انھوں نے'دیوار' ترشل' جیسی فلموں میں کام کر کے اپنی اداکاری کا لوہا منوایا۔
سشی کپور کا پورا نام بلبیر راج کپور تھا۔انھوں نے دیوار، سہاگ، ستیم شیوم سندرم، چور مچائے شور، کالاپتھر جیسی فلموں میں اداکاری کی۔
کہاجاتا ہے کہ ایک زمانے میں فلمی پردے پر امیتابھ اور سشی کپور کی جوڑی لاجواب ہوتی تھی۔
سشی کپور کو سنہ 1998 میں آنے والی انگریزی فلم 'سائڈ اسٹریٹ' میں آخری بار دیکھا گیا تھا۔
سنہ 1961 میں آنے والی فلم 'دھرم پترا' میں سشی کپور نے چاکلیٹ ہیرو کا رول اداکیا تھا، جبکہ 1975 میں ریلیز ہونے والی فلم 'دیوار' میں انھوں نے مرکزی ہیرو کا رول ادا کیاتھا۔ انھوں نے 1982 میں 'نمک حلال' میں بھی اداکاری کی تھی ۔
سشی کپور کو پہلے انٹرنیشنل اسٹار ہونے کا اعزاز حاصل ہے۔ انھوں نے انگریزی فلم 'ہیٹ اینڈ ڈسٹ' میں اداکاری کی۔انھوں نے 10 انگریزی فلموں میں کام کیا۔
