جموں و کشمییر کے ضلع بانڈی پورہ کے سیاسی و سماجی کارکن ڈاکٹر سندیپ ماوا جو اکثر و بیشتر اپنے بیانات کے سبب سرخیوں میں رہتے ہیں، نے بانڈی پورہ کے نوگام سوناواری علاقے کا دورہ کیا اور مقامی باشندوں سے مختلف پہلو پر بات چیت کی۔
اس موقع پر انہوں نے کہا کہ نوگام سوناواری ایک ایسا علاقہ ہے جہاں کے مخصوص طبقے کے بسنے کی وجہ سے گزشتہ حکومتوں نے جان بوجھ کر اس علاقہ کی ترقی کی جانب توجہ دینے سے گریز کیا. انہوں نے کہا کہ اس علاقہ کے ساتھ امتیازی سلوک کیا جاتا ہے، مذکورہ علاقہ کے لوگوں کو آج بھی پینے کا پانی بھی دستیاب نہیں ہے اور دیگر بنیادی سہولیات سے یہاں کے باشندے محروم ہیں۔
مزید پڑھیں:DC Bandipora visits Naidkhai: ڈی سی بانڈی پورہ اویس احمد کا نائدکھائی کا دورہ
ڈاکٹر سندیپ ماوا نے کہا کہ اتنی بڑی آبادی والے بلاک میں جموں و کشمیر بینک شاخ نہ ہونا قابل افسوس ہے، یہاں کے لوگوں کو اپنے بینک کے امور کو انجام دینے کے لئے دور دراز علاوں کا رخ کرنا پڑتا ہے ، انہوں نے متعلقہ انتظامیہ سے ان کے مسائل فوری طور پر حل کرنے کا مطالبہ کیا ہے۔
