بانڈی پورہ کے کہنوسہ، گرورہ، آلوسہ اور چھانہ دجی کے قریبآ پانچ گاؤں سے تعلق رکھنے والے درجنوں مقامی افراد نے آج ڈی سی افس کے سامنے آکر مطالبہ کیا کہ پرائم منسٹر گرام سڑک یوجنا Pradhan Mantri Gram Sadak Yojana کے تحت علاقوں میں جو سڑکیں بنائی گئیں ہیں ان زمینوں کا معاوضہ آج تک اد نہیں کیا گیا۔
ان کا کہنا ہے کہ متعلقہ محکمے نے جب یہاں سے سڑکوں کی تعمیر Road Construction کا سلسلہ شروع کیا۔ اس وقت ان افراد سے زمین کا معاوضہ ادا کرنے کا وعدہ کیا گیا تھا اور اس سلسلے میں انہوں نے اپنی زمینوں کے کاغذات Land Deeds ڈی سی آفس میں جمع بھی کرائے تھے، تاہم کئی سال گزرنے کے باوجود بھی آج تک انہیں معاوضہ نہیں ملا۔
مزید پڑھیں: Compensation for Land, houses 'حکومت و انتظامیہ ابھی تک معاوضہ فراہم کرنے میں ناکام'
ان افراد کا کہنا ہے کہ کہیں پر باغات اور کہیں پر زرعی زمین ان سڑکوں کی تعمیر کے وقت استعمال میں لائے گئے، جبکہ ان میں بیشتر افراد کا خرچہ انہیں زمینوں سے پیدا ہونے والی زراعت سے حاصل ہوتا تھا۔ تاہم ان کے مطابق پی ایم جی ایس وائی محکمے نے زبردستی ان سے زمینیں لیں اور یہ وعدہ کیا کہ بہت جلد انہیں اس کا معاوضہ ادا کیا جائے گا لیکن آج تک اس کا معاوضہ ادا نہیں کیا گیا۔ انہو نے کہا کہ اگر فوری طور پر ان کے مطالبات یا بقایا جات ادا نہیں کیے گئے تو مجبور ہوکر ان سڑکوں پر آمد ورفت کو روک دیا جائے گا۔
