پولیس نے جمعرات کے روز شمالی کشمیر کے بانڈی پورہ ضلع کے زوریمنز گاؤں میں ایک سرپنچ کے قتل کے معاملے کو حل کرنے کا دعوی کیا ہے جو گذشتہ ہفتے اپنے گھر میں پھانسی لگا کر ہلاک ہوا تھا ۔
ایک اہلکار نے بتایا کہ پولیس نے ہلاک ہونے والے سرپنچ کی اہلیہ سمیت دو افراد کو گرفتار کیا ہے کیونکہ وہ اس معاملے میں ملوث پائے گئے ہیں۔
انہوں نے بتایا کہ 12 اکتوبر کو پولیس چوکی الووسہ کو اطلاع ملی کہ ایک شخص جاوید احمد ڈار ولد عبدالاحد ڈار ، تقریبا 35 سال زوریمنز کا رہائشی نے اپنے گھر میں خودکشی کرلی ہے۔
دفعہ 174 / سی آر پی سی کے تحت معاملے کا جائزہ لیتے ہوئے اصل حقائق کو تلاش کرنے کے لئے ، ایس ایس پی بانڈی پورہ کی نگرانی میں ایک ایس آئی ٹی کا قیام عمل میں لایا گیا جس کی سربراہی ڈی وائی ایس پی ہیڈکواٹر بانڈی پورہ نے کی۔
عہدیدار نے بتایا کہ تحقیقات اور ایس آئی ٹی کے اسپاٹ وزٹ سے یہ بات منظر عام پر آئی کہ یہ معاملہ خودکشی سے زیادہ قتل کی طرح لگتا ہے۔ انہوں نے بتایا کہ تفتیش کے دوران بہت سے مشتبہ افراد کو پوچھ گچھ کے لیے لایا گیا تھا اور اس عمل کے دوران یہ بات سامنے آئی ہے کہ مقتول کی بیوی کے ساتھ ایک اور شخص شہزاد احمد ڈار ، جو ایک دوسرے کے ساتھ غیر تعلقات میں تھے ، کچھ مہلک دوائیوی دے کر اور پھر گلا دبا کر اسے موت کے گھاٹ اتار دیا۔
عہدیدار نے بتایا کہ اس کے نتیجے میں دفعہ 302 آئی پی سی کے تحت ایف آئی آر نمبر 116/2020 تھانہ بانڈی پورہ میں درج کیا گیا تھا اور مزید تفتیش شروع کردی گئی ہے۔
انہوں نے کہا کہ دونوں افراد نے اپنا جرم تسلیم کیا ہے اور انہیں گرفتار کرلیا گیا ہے۔ مزید تفتیش جاری ہے.
