بانڈی پورہ کے چھانہ دجی علاقے میں گذشتہ روز ہوئے انکاؤنٹر میں ایک عسکریت پسند ہلاک ہوا ہے۔ پولیس کے مطابق مارے گئے عسکریت پسند کی شناخت بابر علی کے طور پر ہوئی ہے جو لشکر طیبہ کا ایک ٹاپ کماندر تھا۔
چھانہ دجی میں مارا گیا عسکریت پسند لشکر طیبہ کا کمانڈر
پولیس بیان کے مطابق مارے گئے عسکریت پسند کا تعلق پاکستان کے صوبہ پنجاب سے ہے۔ پولیس کے مطابق لشکر طیبہ کا کمانڈر چند روز قبل شوقبابہ جنگلات میں ہوئے انکاؤنٹر کے دوران فرار ہونے میں کامیاب ہوگیا تھا۔ تاہم سکیورٹی فورسز مسلسل اس کا تعاقب کر رہے تھے اور تقربیاً آٹھ روز کے بعد اس کے ٹھکانے کا پتہ لگانے میں کامیاب ہوگئے۔
مزید پڑھیں:
ہم آپ کو بتادیں کہ پچھلے ماہ کی 24 تاریخ کو بانڈی پورہ کے شوقبابہ علاقے میں سکیورٹی فورسز اور عسکریت پسندوں کے مابین تصادم میں تین عسکریت پسند ہلاک ہوئے تھے۔
