بانڈی پورہ: جموں و کشمیر کے بانڈی پورہ کے میونسپل کونسل ہال میں آج انٹرنیشنل گوجر مہاسبھا International Gujar Mahasabha کی جانب سے ایک اجلاس منعقد ہوا۔ جس کی صدارت جموں وکشمیر یو ٹی کے صدر کرنل دیوآنند گوجر کے ساتھ ساتھ اسٹیٹ وائس پریزیڈنٹ چودھری عبدالقیوم، جنرل سیکرٹری انٹرنیشنل یو ٹی مہا سبھا جہانگیر احمد کٹھانہ نے کی ان کے علاوہ مہا سبھا کے دیگر کئی ممبران اور مختلف علاقوں سے تعلق رکھنے والے اس طبقے کے کئی افراد نے اس پروگرام میں شرکت کی۔
اجلاس کے دوران زعما اور ممبران نے گوجر طبقے سے تعلق رکھنے والے کئی مسائل سامنے لائے اور ان کو حل کرنے کے حوالے سے تبادلہ خیال کیا اور کئی تجاوزات سامنے رکھے۔ فوج کے ساتھ کام کرنے والے پورٹرس ، ایل او سی کے پاس زمینوں کی کاشت کاری کی اجازت اور اس طبقے کے بچوں کے لئے ایک اکلاویا Eclaviya اسکول کے قیام جیسے اہم مسائل زیر غور لائے گئے۔
جموں و کشمیر گوجر مہاسبھا آرگنائزیشن کے پریزیڈنٹ دیوآنند گوجر نے تفصیلات فراہم کرتے ہوئے کہا کہ دراصل اس فورم کے قیام کا دن 22 مارچ کو منایا جاتا ہے۔ کہا کہ اسی سلسلے کی کڑی کے تحت فورم مختلف اضلاع میں پروگرام منعقد کئے جارہے ہیں۔ انہو نے مزید کہا کہ ضلع بانڈی پورہ میں فوج کے ساتھ کام کررہے پورٹرس کی بھرتی پہلے کے مقابلے میں کم ہو گئ ہے۔
اگرچہ اس طبقے کے لئے سرکار نے ریزرویشن کے کئ فیصلے لئے ہیں جوکہ ایک قابل تحسین کام ہے، تاہم ابھی بھی فارسٹ یا دیگر شعبوں میں عملی طور پر انہیں لاگو نہیں کیا گیا، جو کہ اس فورم کی ایک بڑی مانگ ہے۔
