بانڈی پورہ : گھر میں آگ لگنے سے کافی نقصان

بانڈی پورہ کے پلان علاقے میں واقع ایک گھر میں اچانک آگ لگنے سے گھر کو نقصان پہنچا ہے، کسی طرح کا کوئی جانی نقصان تو نہیں ہوا ہے لیکن گھرمیں موجود ساز و سامان و دیگر چیزیں جل گئی ہیں۔ پولیس افسران نے بتایا کہ آگ لگنے کی وجوہات کا پتہ لگایا جارہا ہے۔ ایف آئی آر درج کر لی گئی ہے، کارروائی جاری ہے۔

جموں و کشمیر کے ضلع بانڈی پورہ کے پلان میں واقع ایک رہائشی مکان میں اچانک آگ لگنے سے ایک گھر کو کافی نقصان ہوا ہے۔

محکمہ فائر نے موقع پر پہنچ کر آگ پر قابو پالیا ہے، لیکن آگ سے گھر کو کافی نقصان پہنچا ہے، گھر کی چھت و دیوار و دیگر اشیا آگ کی زد میں آنے سے پوری طرح تباہ و برباد ہوگئے ہیں۔ آگ لگنے کی وجوہات کا پتہ لگایا جارہا ہے۔

اس تعلق سے پولیس افسران نے بتایا کہ 'جاوید احمد بٹ ساکن پلان پانڈی پورہ کے رہائشی کے مکان میں اچانک آگ لگ گئی، مقامی، فائر اینڈ ایمرجنسی اور پولیس اہلکاروں نے بروقت پہنچ کر آگ کو مزید پھیلنے سے روک لیا ہے، اس ضمن میں پولیس نے ایک کیس درج کرلیا ہے، مزید تحقیقات جاری ہیں۔