شمالی کشمیر کے ضلع بانڈی پورہ کے حاجِن علاقے میں منگل کی شام نامعلوم مسلح افراد نے ایک شہری کو گولی مار کر ہلاک کر دیا۔
بانڈی پورہ: حاجِن میں عام شہری کا گولی مار کر قتل
سرکاری ذرائع کے مطابق بندوق برداروں نے ایک عام شہری محمد شفیع (جو سومو اسٹینڈ نائیڈکھائی کے صدر بھی ہیں) پر شاہ گنڈ حاجن بانڈی پورہ میں فائرنگ کی جس سے وہ شدید زخمی ہوگئے۔
زخمی محمد شفیع کو ہسپتال لے جایا گیا لیکن ہسپتال میں داخل ہونے سے پہلے ہی انہوں نے دم توڑ دیا۔
یہ بھی پڑھیں: سرینگر: کشمیری پنڈت تاجر ماکھن لال کا قتل
واضح رہے کہ وادی میں چند گھنٹوں کے اندر یہ تیسرا حملہ ہے۔ قبل ازیں مسلح افراد نے یہاں اقبال پارک میں بندرو کیمسٹ کے مالک مکھن لال بندرو اور مدینہ چوک لال بازار سرینگر کے قریب ایک غیر مقامی دکاندار کو گولی مار کر ہلاک کر دیا۔
