بانڈی پورہ: بی جے پی مہیلا مورچہ کی جانب سےجموں وکشمیرکے بانڈی پورہ میں ان کے ہیڈکوارٹر پر ایک تقریب کا اہتمام کیا گیا جس کا مقصد بی جے پی کی آٹھ سالہ حکومت کی کارکردگی کو پیش کرنا تھا۔ اس تقریب میں بی جے پی مہیلا مورچہ جموں وکشمیر یو ٹی کےصدر رمیسہ وانی نے بطور مہمان خصوصی شرکت کی۔ ان کے علاوہ بی جے پی اسٹیٹ جنرل سیکرٹری و پربھاری ڈاکٹر فریدہ خان اور مہیلا مورچہ ضلع صدر ناہیدہ قمر کے ساتھ ساتھ بی جے پی مہیلا مورچہ کے کئی ایک ارکان اور ورکرس نے شرکت کی۔ BJP Mahila Morcha on Good Governance
اس موقع پر پچھلے آٹھ سال کے دوران بی جے پی کی مختلف اسکیمز اور پروگراموں کو اجاگر کیا گیا۔ رمیسہ وانی نے نہ صرف مودی سرکار کی مختلف اسکیموں پر روشنی ڈالتے ہوئے کہا کہ سرکار نے سب کا ساتھ سب کا وکاس پر کاربند رہ کر ہر ایک طبقے کی فلاح و بہبود پر کام کرتی رہی اور اس سرکار کی کئی اسکیمز اور پروگرامز سے پسماندہ یا اس طبقے کو فائدہ ملا جسے آج تک پچھلی سرکاروں نے نظر انداز کیا تھا۔ تقریب کے دوران ایک میڈیکل کیمپ کا اہتمام بھی کیا گیا تھا جس میں لوگوں کی تشخیص کےعلاوہ ان میں ادویات بھی تقسیم کی گئیں۔
