مراٹھا ایل آئی کی آرمی یونٹ نے پولیس چوکی ایزمرگ گوریز بانڈی پورہ سے رابطہ کر کے اطلاع دی کہ ترابل کا رہنے والا 53۔54 سالہ عبداللہ حجام نام کا ایک شخص جو تیس جولائی کی درمیانی شب ایک تلاشی مہم دوران ان کے ساتھ تھا، گھنے جنگل کے علاقے میں اچانک ایک گہرے نالے میں پھسل کر گر گیا اور زخمی ہوگیا۔
زخمی کو علاج کے لیے بی این ہیڈ کوارٹر منتقل کیا گیا۔ مگر تمام ممکنہ کوششوں کے باوجود وہ زخموں کی تاب نہ لا سکا اور دم توڑ دیا۔
مزید پڑھیں :تجر شریف میں سرچ آپریشن کے دوران دو عسکریت پسندوں کی خودسپردگی
مذکورہ رپورٹ کی اطلاع موصول ہونے کے بعد واقعہ کی تحقیقات شروع کی گئی ہے۔ تاکہ اس واقعہ سے متعلق حقائق اور حالات کا پتہ چل سکے۔
سب ڈسٹرکٹ اسپتال گوریز میں میڈیکو لیگل فارمیلیٹیز مکمل کر لی گئی ہیں اور معاملے کی تحقیقات جاری ہیں۔
