بانڈی پورہ سے مریض کو لے کر سری نگر جارہی ایمبولینس میں آتشزدگی

شمالی کشمیر کے ضلع بانڈی پورہ کے ڈسٹرکٹ ہسپتال کی ایمبولینس میں اچانگ آگ لگ گئی۔ ڈرائیور، مریض اور ملازم سبھی ایمبولینس سے اتر گئے جو پوری طرح محفوظ ہیں، فائر بریگیڈ عملے نے موقع پر پہنچ کر آگ پر قابو پالیا ہے۔

اطلاع کے مطابق جمعہ کے روز ایک ایمبولینس جو ڈسٹرکٹ ہسپتال بانڈی پورہ سے مریض کو لے کر سری نگر جارہی تھی تبھی اچانک اس میں آگ لگ گئی۔

یہ واقعہ بانڈی پورہ کے علاقے ژور تھنگ کے قریب پیش آیا ہے، اس واقعے کی تصدیق کرتے ہوئے چیف میڈیکل آفیسر بانڈی پورہ ڈاکٹر بشیر احمد نے کہا کہ 'آگ لگنے کی وجہ معلوم کی جارہی ہے، ایسا لگتا ہے کہ ایمبولینس کا انجن گرم ہونے کے بعد اس میں آگ لگ گئی'۔

اس واقعہ کے پیش آتے ہی ڈرائیور، مریض اور ملازم سبھی ایمبولینس سے اتر گئے جو پوری طرح محفوظ ہیں، فائر بریگیڈ کے عملے نے موقع پر پہنچ کر آگ پر قابو پالیا ہے۔

اس ضمن میں مزید تفصیلات کا انتظار ہے۔