جموں و کشمیر کے ضلع بانڈی پورہ میں آج ڈسٹرکٹ ڈیولپمنٹ کونسلرز Bandipora DDC کی جانب سے ایک پریس کانفرنس کا انعقاد کیا گیا، جس کی سربراہی چیئرمین عبدالغنی بٹ نے کی۔
بانڈی پورہ ڈی ڈی سی فورم کے چیف ترجمان کا اعلان
اس پریس کانفرنس میں ڈاکٹر مصطفیٰ کو چیف ترجمان اور غلام نبی انبار کو ڈی ڈٰی سی فورم کا ایڈوائزر منتخب کیا گیا۔
کانفرنس میں بتایا گیا کہ یہ بی ڈی سی اور پنچ و سرپنچوں کا ایک مشترکہ فورم ہے لیکن کانفرنس میں نہ ہی بی ڈی سی اور نہ ہی پنچ و سرپنچ شامل تھے۔
یہ بھی پڑھیں: بانڈی پورہ: ڈی ڈی سی انتخابات کے لئے اعلیٰ تعلیم یافتہ نوجوان میدان میں
پریس کانفرنس میں بتایا گیا کہ اس انتخاب سے عوام اور ڈی ڈی سی ممبران کے مابین رابطے میں آسانی اور مسائل کو حل کرنے میں سہولت پیدا ہوگی، جب کہ اسے مختلف علاقوں کے مابین ایک ہم آہنگی بھی پیدا ہو جائے گی۔
