اورنگ آباد میں سیرو ٹیسٹ مہم کے دوران سرکاری حکام کی مخالفت

ریاست مہاراشٹر کے اورنگ آباد میں سیرو ٹیسٹ مہم کے دوران سرکاری حکام کی مخالفت کی جا رہی ہے۔ کچھ علاقوں میں لوگوں نے ٹیسٹ کروانے سے انکار کر دیا ہے لیکن میونسپل کارپوریشن انتظامیہ کے حکام ہر علاقے میں بیداری مہم چلا رہے ہیں۔

سیرو مہم کے تحت اورنگ آباد شہر کے مختلف علاقوں میں کارپوریشن حکام نے سات سو میں سے پانچ سو ٹیسٹ کیے لیکن کچھ مقامات پر کارپوریشن حکام کو دشواری کا سامنا کرنا پڑا۔ لوگوں میں اس بات کا خوف دیکھا گیا کہ کورونا ٹیسٹ کیا جارہا ہے، جس کی وجہ سے کچھ علاقوں میں کارپوریشن حکام کو دشواری آئی تاہم کارپوریشن کے محکمہ صحت کی انچارج ڈاکٹر نیتا پاڈلکر کا کہنا ہیکہ لوگوں کو اعتماد میں لیکر اس مہم کو کامیاب کیا جائیگا یہ مہم پندرہ اگست تک اورنگ آباد شہر میں جاری رہے گی۔