مہاراشٹر کے اورنگ آباد میں کریڈٹ کارڈ سے خریداری کرنے والی خاتون کو ذہنی ہراساں کرنے کا الزام لگایا ہے۔ خاتون کے شوہر کا کہنا ہے کہ پولیس نے جانچ کے نام پر دہلی اور جموں کی سیر کا لطف اٹھایا ہے۔ متاثرہ جوڑے کا الزام ہے کہ سڈکو ایم آئی ڈی سی پولیس اسٹیشن میں کیس درج کیا گیا ہے لیکن کوئی گرفتاری نہیں ہوئی ہے۔
کریڈیٹ کارڈ پر خریداری معاملے میں ایک خاتون نے ریکوری ایجنٹ پر ذہنی ہراسانی کا الزام لگایا، متاثرہ خاتون کے مطابق انہوں نے چھیالیس ہزار کی خریداری کی تھی، بیس ہزار روپئے ادا کردیئے تھے بقیہ رقم کورونا وبا کی وجہ سے ادا نہیں کرپائے ، جس کے بعد ریکوری ایجنٹ نے ان کے پورے خاندان میں انھیں بدنام کردیا ، اسی طرح متاثرہ کے شوہر کا الزام ہیکہ پولیس نے جانچ کے نام پر خانہ پوری کی اور ان کے خرچے پر دہلی کے علاوہ جموں کی سیر کا لطف اٹھایا۔ متاثرہ خاتون کے شوہر نے یہ بھی الزام عائد کیا کہ پولیس نے دہلی میں ملزم کے خلاف کارروائی کرنے کے بجائے اسے نوٹس دیکر چھوڑ دیا گیا۔
یہ بھی پڑھیں: مہاراشٹر کے پونے میں کورونا پابندیوں میں نرمی کا اعلان
اس معاملے میں ایم آئی ڈی سی سڈکو پولیس اسٹیشن میں کیش درج کیا گیا ہے۔ ڈپٹی کمشنر دیپک گیرے کا کہنا ہیکہ سائبر ایکٹ کے تحت معاملے کی جانچ چل رہی ہے۔
